DEREVA TOYO 12

Dereva toyo Mtunzi:Richard Yassin Sehemu ya 12 Bila kupata jawabu sahihi la kuhusiana na ni kwanini nilikuja na gari lile?Na ni sababu gani iliyonifanya nivae vile?Yote yalikuwa ni maswali ambayo niliyasikia wamama hao wakiyauliza pindi nilipokuwa chumbani kwangu. Mawazo yalinijaa nilipokuwa nafikiria ni kwa vipi nitumie zile pesa ili ziweze kuniletea pesa tele na kufanya niishi vizuri na nisitegemee tena kazi za kuajiriwa. Hivyo kutokana na kuwa na dimbwi la mawazo nilijikuta nimelala hadi ilipotimu mnamo majira ya saa 2 usiku muda ambao ulikuwa wa taarifa ya habari. Muda huo nilikaa kando ya televisheni ili niweze kujiona na ilipofika wasaa wa taarifa za kibiashara,taarifa yetu ilikuwa ya kwanza kuruka hewani.Ilikuwa ni mara ya kwanza katika maisha kujiona katika luninga.Na kwa bahati nzuri washindi wote tulionyeshwa tukipokea hundi hizo pamoja na kutoa machache yaliyoko moyoni kutokana na droo ambayo ilikuwa ikichezeshwa.Haikupita hata dakika 20 tangu habari ile ionekane nilipigiwa simu na Angel msichana ambaye tayari chem chem za mahaba zilianza kutiririka katika damu zetu ingawa alikuwa ameolewa. "Hongera darling kwa kujishindia.Naamini kwa sasa nyota yako ya mafanikio imeanza kuonekana.Na kwa kitita hiko ulichokipata naomba ukanunue toyo na nyingine weka benki kwani itakusaidia katika maisha ya mbeleni."Nilikaa kimya nikizidi kumsikiliza mrembo Angel akitoa nasaha zake kwangu.Siyo siri nilifarijika kutokana na ushauri alioutoa mrembo huyu.Na niliamini kwamba mrembo huyu aliletwa makusudi ili aniongoze katika nuru ya mafanikio ya ulimwengu huu na......Itaendelea!!!