DEREVA TOYO 11

Dereva toyo Mtunzi:Richard Yassin Sehemu ya 11 Kwangu suala hili lilikuwa gumu kwani kusimama mbele ya kamera na kutoa maneno ya kutia moyo kuhusiana na michezo ya kubahatisha ilikuwa ngumu ila nilijikaza kisabuni na kusema walau machache kuhusiana na michezo hiyo ya kubahatisha.Hivyo mara baada ya kila mshindi kuchukua hundi aliyojishindia,kampuni ilifadhili usafiri uliotupeleka hadi majumbani mwetu mara baada ya sherehe hiyo kumalizika.Nami kwa mara ya kwanza nilipata bahati ya kuingia katika gari aina ya Toyota Landcruiser Vx Model 2018 gari ambazo hutumiwa na viongozi wengi wa kiserikali. Ama kwa hakika nafsi yangu ilipata amani na furaha kwani sikuwahi fikiria kupanda gari kama hilo.Hivyo nilipiga picha na kuandika namba ya simu ili watulete picha hizo. Nilipofika nyumbani baadhi ya majirani waliokuwa wako nje hawakuamini kuona gari hilo likija maeneo yale.Nami bila kujali macho yao nilishuka kwa kujiamini kisha nikafunga mlango wa gari mara baada ya kumuaga dereva na kisha gari hilo liligeuza na kuondoka.Kitendo hiko kiliibua kicheko kikali kwani kama unavyojua asili ya uswahilini watu hawaachi umbea na kusema mambo yasiyowahusu.Hivyo ilinilazimu kuziba masikio na kuingia ndani huku nikiwaacha wamama hao waliokuwa wamekaa kibarazani kunijadili bila kupata jawabu sahihi la.....Itaendelea!!!