DEREVA TOYO 10

Dereva toyo Mtunzi:Richard Yassin Sehemu ya 10 Kwani katika dunia hii si rahisi kuamini mtu usiyemjua. Kwa hiyo kwangu mimi nilitamani muda ufike ili tupate wasaa wa kukabidhiwa kitita hiko. Watu walikaa kimya wakisubiria vigogo wa benk hiyo waingie.Hivyo tukiwa ndani ya benki hiyo tulihudumiwa kama wafalme kwani tuliletewa kikombe cha kahawa kila mmoja pamoja na half cake bila kusahau maji ya kopo.Kwangu mimi ilikuwa ni historia katika maisha yangu kwani sikuwahi kuhudumiwa hivyo kama mfalme na kuingia ndani ya ofisi yenye kiyoyozi.Nilitamani ningekuwa na simu janja nipige walau picha ya ukumbusho ila ndo sikuwa nayo. Muda ulifika wageni rasmi waliingia na wakiwa wameambatana na baadhi ya wafanyakazi wa NMB.Kitendo cha kuwaona wao kiliibua furaha kwa sisi washindi wa droo hiyo kwani tulipiga makofi kwa nguvu bila kuacha.Na hatimaye wageni hao waliketi nasi tukaketi pia.Punde zoezi la ugawaji wa zawadi hizo toka kwa washindi ukaanza.Nami jina langu lilitajwa.Nilinyanyuka na kwenda kupokea hundi ya mil.5.Kwangu mimi pesa hii sikuwahi ikamata tangu kuzaliwa kwangu.Na hii ilitokana na mizunguko yangu ya kifedha kutofikia kiwango kwani kwa kipindi hiko nilikuwa muajiriwa na mshahara wangu ulikuwa duni.Hivyo niliipokea hundi hiyo kwa furaha na kisha kabla sijaenda kuketi niliambiwa niseme jambo lolote kuhusiana na mchezo huu wa kubahatisha kwa watanzania.Kwangu suala hili lilikuwa gumu kwani....Itaendelea!!!